Makamu wa Rais wa Jamhuri ya Muungano wa Tanzania Mhe. Dkt. Philip Mpango akisalimiana na Waziri wa Ulinzi Balozi.Dkt. Stergomena Tax wakati alipowasili Johari Rotana Jijini Dar es salaam kufungua Mkutano wa 79 wa Baraza la Michezo ya Majeshi Duniani (CISM) tarehe 14 Mei 2024. Kulia ni Mkuu wa Majeshi ya Ulinzi Jenerali Jacob Mkunda.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akishiriki Ufunguzi wa Mkutano wa 79 wa Baraza la Michezo ya Majeshi Duniani (CISM) uliofanyika Johari Rotana Jijini Dar es salaam tarehe 14 Mei 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akivishwa Medali na Rais wa Baraza la Michezo ya Majeshi Duniani Kanali Nilton Rolim kuwa Kamanda wa Baraza la Michezo ya Majeshi Duniani (CISM) wakati wa Ufunguzi wa Mkutano wa Baraza hilo uliyofanyika Johari Rotana Jijini Dar es salaam tarehe 14 Mei 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika picha ya pamoja na Rais wa Baraza la Michezo ya Majeshi Duniani Kanali Nilton Rolim mara baada ya kukabidhiwa medali ya kuwa Kamanda wa Baraza la Michezo ya Majeshi Duniani (CISM) wakati wa Ufunguzi wa Mkutano wa Baraza hilo uliyofanyika Johari Rotana Jijini Dar es salaam tarehe 14 Mei 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akihutubia wakati wa Ufunguzi wa Mkutano wa 79 wa Baraza la Michezo ya Majeshi Duniani (CISM) uliofanyika Johari Rotana Jijini Dar es salaam tarehe 14 Mei 2024.

Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika picha ya pamoja na viongozi mbalimbali wa Baraza la Michezo ya  Majeshi Duniani mara baada ya Ufunguzi wa Mkutano wa 79 wa Baraza la Michezo ya Majeshi Duniani (CISM) uliofanyika Johari Rotana Jijini Dar es salaam tarehe 14 Mei 2024.

==========================================================================

Makamu wa Rais wa Jamhuri ya Muungano wa Tanzania Mhe. Dkt. Philip Mpango amesema Tanzania inatambua michezo ya majeshi ni nguvu kubwa ya kidiplomasia inayovuka mipaka na kuimarisha uhusiano baina ya mataifa Duniani. 

Makamu wa Rais amesema hayo wakati wa ufunguzi wa Mkutano wa 79 wa Baraza la Michezo ya Majeshi Duniani (CISM) uliofanyika Johari Rotana Jijini Dar es salaam. Amesema kwa uzoefu wa Tanzania katika kushiriki misheni mbalimbali za ulinzi wa amani inatambua michezo ya majeshi kama njia ya kuchochea amani, maelewano na kuheshimiana. Aidha amesisitiza Baraza hilo kuhimiza amani duniani na kufanya jambo hilo kuwa ajenda ya michezo ya majeshi kimataifa.  

Pia Makamu wa Rais ametoa wito wa Michezo ya Majeshi kutumika katika kupambana na Uharibifu wa Mazingira pamoja na kuongezeka kwa magonjwa yasiyoambukiza duniani kote. Amesema michezo hiyo inapaswa kutumika katika kuimarisha utimamu wa mwili na lishe bora kwa Majeshi pamoja na kutoa elimu kwa wananchi kuhusu umuhimu wa michezo katika kukabiliana na magonjwa yasiyoambukiza. 

Aidha amesisitiza umuhimu wa Baraza la Michezo ya Majeshi Duniani kuwa mstari wa mbele katika kupinga matumizi ya dawa za kusisimua misuli duniani kote. Amesihi Baraza hilo kuweka mipango thabiti katika kukuza vipaji vya wanajeshi vijana pamoja na raia kwa kuanzisha vituo vya michezo. Pia amesema ni muhimu kuimarisha usawa wa kijinsia katika michezo ya baraza hilo kwa kuhamasisha na kuhakikisha ushiriki wa wanawake unaongezeka na michango yao inathaminiwa.

Makamu wa Rais amesema Tanzania ipo tayari kushirikiana na nchi wanachama wa Baraza la Michezo ya Majeshi Duniani katika kuandaa michuano hiyo hapo baadae. Amesema ni muhimu michuano hiyo kuandaliwa na kufanyika katika nchi wanachama na pale kunapokuwa na changamoto ya miundombinu mataifa yanapaswa kushirikiana katika kuandaa michuano hiyo kama Jamhuri ya Muungano wa Tanzania, Kenya na Uganda wanavyoshirikiana kuandaa michuano ya Afrika (AFCON).

By admin

Leave a Reply

Your email address will not be published. Required fields are marked *